منتدى الثقافة والعلم


 
الرئيسيةالبوابةس .و .جبحـثالأعضاءالمجموعاتالتسجيلدخول
لا إِله إلا انت سبحانك ربى اني كنت من الظالمين - حسبى الله لا اله الا هو عليه توكلت وهو رب العرش العظيم - رضيت بالله ربا وبالاسلام دينا ومحمد عليه افضل الصلاة والسلام نبيا - لا حول ولا قوة الا بالله العلى العظيم - يارب لك الحمد كما ينبغى لجلال وجهك وعظيم سلطانك - اللهم صلى وسلم وبارك على سيدنا ونبينا محمد عليه افضل الصلاة والسلام - سبحان الله والحمد لله ولا اله الا الله والله اكبر - حسبنا الله ونعم الوكيل - استغفر الله العظيم من كل ذنب عظيم

شاطر | 
 

 تمثال الحرية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
FUTURE...MAN
عضو جديد
عضو جديد
avatar

عدد المساهمات : 48
نقاط : 8704
تاريخ التسجيل : 20/11/2009
العمر : 21
الموقع : http://blacksoft.yoo7.com

مُساهمةموضوع: تمثال الحرية   الأحد ديسمبر 06, 2009 7:06 am

تمثال الحرية بتنور الدنيا و المشهور بتمثال الحرية هو تمثال قدمه الشعب الفرنساوي كهدية للولايات المتحدة الامريكية سنة 1886.التمثال واقف بشموخ في ليبيرتي ايلاند (جزيرة الحرية) في مدخل المينا بتاع مدينة نيويورك علشان يرحب بالمهاجرين الجداد لامريكا و كمان يرحب بالامريكان اللي راجعين لوطنهم من الغربة. التمثال (المعمول من النحاس) هو رمز للصداقة الفرنساوية-الامريكانية و بيخلد الزكرى المئوية لتوقيع اعلان الاستقلال بتاع الولايات المتحدة عن بريطانيا. التحفة الفنية دي من تصميم المثال الفرنساوي فريدريك اوجوستيه بارتولدي اما المهندس اللي بنى الهيكل الداخلي للتمثال فهو أليكساندريه إيفيل ( مصمم برج ايفيل في باريس). التمثال عبارة عن واحدة ست لابسة روب و ماسكة في ايدها اليمين شعلة الحرية و في ايدها الشمال مساكة كتاب منقوش عليه باللاتيني 4 يوليو 1776 و اللي هو تاريخ الاستقلال الامريكي. على راسها لابسة تاج طالع منه 7 اشعة بترمز للسبع قارات بتوع العالم و هي واقفة على قاعدة مريعة التمثال نفسه طوله 46 متر من الرجلين لقمة الشعلة بس بيوصل ل 93 متر لما نضيف القاعدة. تمثال الحرية من اكتر الحاجات اللي بتميز امريكا كدولة و بتمثلها بقيمها و مبادئها.








الرمز

المظهر الكلاسيكي للتمثال (الروب الروماني و الصنادل و تعابير الوش) متاخد من الاهة رومانية قديمة اسمها (ليبيريتاس) و اللي كانت بتعبر عن التحرر من العبودية و القهر و استبداد الحكام. تمثال الحرية مش واقف جامد، على العكس، رافع رجله اليمين و بيستعد للحركة و التقدم لقدام بعد ما كسر واتخلص من القيود اللي كانت مكلبشة رجليه. الكتاب بيرمز للمعرفة و منقوش عليه تاريخ الاستقلال. الشعلة بتجسد معاني التنوير و الحرية.

التاريخ


المثال الفرنساوي فريدريك اوجوستيه بارتولدي


بارتولدي في زيارة ليه لمصر انبهر بمشروع قناة السويس اللي بيشتغل فيه صديق عمره المهندس الفرنساوي فيرديناند ديليسيبس،و اتخيل وجود منارة ضخمة في مدخل القناة ورسم سكيتش للتمثال اللي كان عبارة عن نسخة مصرية من الالهة الرومانية ليبيريتاس و خلاها تشبه الفلاحة المصرية شايلة شعله نار وموجهاها ناحية السما.بارتولدي اتقدم بمشروعه للخديوي اسماعيل باشا سنة 1867 و بعدين عمله شوية تعديلات و اتقدم بيه تاني سنة 1869 و في المرتين المشروع ما توافش عليه بسبب المشاكل المالية اللي كانت مصر يتمر بيها في الوقت دا. و بعديها عملته فرنسا( بتبرعات الشعب) و قدمته لامريكا هدية.




تواريخ مهمة





العمر: 122 سنة (في 2008)

تاريخ وضع حجر الأساس: 5 أغسطس 1885

تاريخ نهاية أعمال الإنشائية: 22 إبريل 1886

تاريخ نهاية التصميم في فرنسا: يوليو 1885

تاريخ وصول التمثال لحد نيويورك: 17 يونيو 1885

تاريخ الإفتتاح الرسمي: 28 أكتوبر 1886

تاريخ إعلانه كأثر قومي: 15 أكتوبر 1924

تاريخ إنضمامه للستة التراث العالمي: 1984


المقاييس


الخاصيةالمقاس
الارتفاع من القاعدة للشعلة 46 متر
طول التمثال بالقاعدة 93 متر
من الكعب للراس 34 متر
طول الايد 5 متر
طول الصباع (السبابة) 2.44 متر
طول الراس من الدقن لقمة لراس 5.26 متر
من الودن للودن 3.05 متر
طول العين 0.76 متر
طول المناخير 1.48 متر
طول الدراع اليمين 12.8 متر
تخن الدراع اليمين 3.66 متر
تخن الوسط 10.67 متر
عرض البوء 0.91 متر
طول الكتاب 7.19 متر
عرض الكتاب 4.14 متر
تخن الكتاب 0.61 متر
ارتفاع القاعدة الجرانيت 27.13 متر
ارتفاع القاعدة 19.81 متر
وزن النحاس المستخدم في التمثال 27.22 طن
وزن الحديد المستخدم في التمثال 113.4 طن
وزن التمثال بالكامل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://culture-flag.yoo7.com
Hosam yasin
مشرف عام
مشرف عام


عدد المساهمات : 1054
نقاط : 9784
تاريخ التسجيل : 09/12/2009
العمر : 20

مُساهمةموضوع: رد: تمثال الحرية   الإثنين مايو 24, 2010 3:17 am

مشكور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تمثال الحرية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الثقافة والعلم :: قسم المجالات المتنوعة :: مواضيع متنوعة-
انتقل الى: